Dei fyrste 20 åra etter gravlegging i ny grav er rekna som friperiode. Deretter får ein tilsend krav om festeavgift. Ei grav som går over til festa grav, kan ikkje verta frigrav igjen, sjølv om den vert nytta oppatt. Festeavgifta vert likevel rekna frå tidspunktet for siste gravlegging. Friperioden gjeld kun for gravlagde som har vore busette i kommunen.
Voss herad har vedteke følgjande satsar for gravfester i 2024:
Festeavgifta for Voss sokn vert sett til kr. 300,- pr. år pr. grav.
Festeavgifta for Evanger og Bolstad, Raundalen, Vinje, Oppheim og Granvin sokn vert sett til kr. 270,- pr. år pr. grav.
Festeavgifta i Jordalen vert sett til kr. 135,- pr. år pr. grav.
Festeavgift for urnegraver vert kr 135,- pr år. Ei urne som blir satt ned i ei kistegrav, vert festa som kistegrav vidare.
Festeavgifta som er oppgitt gjeld for eitt år, men det vert fakturert for fem år av gongen.
Til dømes vert det fakturert 1.500,- (300,- x 5 år) for festavgift for ei grav på Voss gravplass ved festeforfall.
Festetida for graver er maksimalt 60 år. Fellesrådet kan innvilge utvida festetid for barnegraver, graver der familien ynskjer å nytta grava om att, eller av andre samfunnsmessige omsyn. Ein ber i såfall om skriftleg søknad. Dersom det vert gjeve løyve til feste utover 60 år, vert festeavgifta dobla (sjå tabell).
I vedtektene for gravplassande i Voss herad § 6 står det at overføring av festerett skal skje skriftleg. Det er viktig at nåverande festar samtykker til at andre skal overta ansvaret. Her finn du skjema for overføring av festerett. Viss du har spørsmål eller treng hjelp til å finne gravidentifikasjon, ta kontakt med oss på telefon 56 52 38 80.