Kvar haust vert 10. klassingane inviterte til MILK. Dette er eit MIniLeiarKurs for dei som har lyst til å vera med som leiarar på Trusopplæringsdagane, i konfirmantarbeidet, i Refleks Ten Sing på Supertysdag eller i sundagskulen/Tweens-klubben.
Milk står for Minileiarkurs og er utvikla av Norges KFUK-KFUM for å skapa unge leiare til klubb, Ten Sing og anna barne-og ungdomsarbeid, og for å få fjorårets konfirmantar med vidare i arbeidet i kyrkjelyden.
På Voss samarbeidar kyrkja med Voss KFUK-KFUM. Samlingane er lokalisert til Vonheim.
MILK består av:
- Seks samlingar rett etter skuletid, kl. 14:30-17:30. (Alle samlingane startar med suppe og brød.)
Det vert fire samlingar før jul og to samlingar pånyåret, i tillegg til ein overnattingstur.
Første samling er måndag 7. september.
- Ei praksisoppgåve. (Her er det fleire mogelege oppgåver. Me kjem fram til kva som vert di oppgåve i løpet av dei første to samlingane.)
Når kurset er slutt får deltakarane som har minst 75% oppmøte, eit kursbevis. Dette kan det vera kjekt å ha seinare.
MILK-leiarar er Rønnaug Skjeldal, kateket og ein frå Voss KFUK-KFUM.
Pris: 100,-. (Du får giro.)
Tema me er innom er:
- Vær deg sjølv
- Stå opp for andre
- Mange slags leiarar
- Ungt ansvar, voksent nærvær
- Makt, kropp og grenser
- Leiar på leir
Alle deltakarane får ulike praksisoppgåver innafor barne- og ungdomsarbeidet i Voss KFUK-KFUM og i Kyrkja i Voss.
Første samling vert i Vonheim måndag 7. september kl. 14:30 - 17:00.
Me ynskjer at foreldre melder på kurset.
Påmelding skjer via dette skjemaet innan 6. september 2026.
Spørsmål? Ta gjerne kontakt med Rønnaug Skjeldal, 95 26 20 25