Velkomen til gudstenester på Voss i jola!
Denne påmeldinga er for gudstenester i Voss sokn. Altså utegudstenester på Friluftscena på Prestegardslandet jolaftan og høgtidsgudsteneste i Vangskyrkja joledag. Påmeldinga ligg nedst på sida, ver venleg og les informasjon før de melder på.
Alle må meldast på som enkeltpersonar. Ein kan ikkje melde folk på i kommentarfeltet, men ein kan bruke same tlf på fleire innan same husstand. Barn må også meldast på, men her kan ein bruke mobilnummer til foreldra ved påmelding. Slik sikrar me oss best mogeleg at me har oversikt over kven kjem i høve ev smittesporing i etterkant.
På utegudstenestene jolaftan kan me ta imot inntil 200 pr. gudsteneste, joledag kan me ta imot inntil 50. Me kan ikkje ta imot fleire enn dette grunna omsyn til smittevern. Gudstenestene jolaftan vil ta om lag 25 minutt, salmetekstar blir lagt ut på heimesida, så ein kan nytte mobil til å lese. Me legg opp til at folk står på gudstenesta, me har ikkje stolar til alle. Det er mogeleg å ta med t.d. klappstol ved behov.
Høgtidsgudstenesta joledag tek inntil 1 time.
Det blir også lagt ut digital gudsteneste på Avisa Hordaland sine sider kl. 14.00 på jolaftan.
Påmeldinga for gudstenestene jolaftan stengjer 23. desember kl.18.00.
Påmeldinga for høgtidsgudstenesta joledag stengjer 23. desember 18.00
Me minner om at de må sørge for å bli registrert ved inngangane. Dei som er påmeld vil få sms med informasjon om kvar ein registrerer seg. Hald minst 1 meter avstand til dei du ikkje bur saman med. Dei som mistenker smitte må halde seg heime. Kle dykk etter været. Ved dårleg vær blir gudstenesta avlyst. Me vil i så fall legge til rette for open kyrkje i Vangskyrkja, utan gudsteneste. Dei påmelde vil få sms med informasjon om dette også.
PÅMELDING JOLAFTAN KL. 14.00
PÅMELDING JOLAFTAN KL. 15.00
PÅMELDING HØGTIDSGUDSTENESTE JOLEDAG, KL. 11.00