Veka rett over påske skjer noko spanande i bygda vår. Salt, Nainkyrkja, Frelsesarmeen, Voss KFUK/KFUM og Voss sokn inviterer til «Velkommen hjem» på Prestegardslandet.
Tverrkyrkjeleg storsatsing på Voss
Veka rett over påske skjer noko spanande i bygda vår. Du er invitert til «Velkommen hjem» på Prestegardslandet. Her blir det sirkustelt, hoppeslott, mat, mykje kjekt for både barn, ungdom og vaksne, og kreativ formidling av den kristne trua.
Onsdag: Supertysdag til ein SuperONSDAG med opplegg for familiar. kl. 15:45- 17:45
Torsdag: Ungdomskveld med KRIK-aktivitetar som Ultimate Frisbee, samt brettspel, Open
Scene og gratis pizza. Kl 18-21.
Fredag: Tweens-opplegg med mykje kjekt.
Laurdag og sundag: Hovudarrangementa skjer i helga med to familieførestillingar på laurdagen og to på sundagen. I Voss sokn har me ikkje gudsteneste denne sundagen, men deltek i staden i teltet.
Laurdag:
kl 13: Aktivitetane opnar
kl 14: Første forestilling i teltet
aktivitetar og servering av mat
ca kl 16: Andre forestilling i teltet
aktivitetar og servering av mat
Søndag
kl 13: Aktivitetane opnar
kl 14: Første forestilling i teltet
aktivitetar og servering av mat
ca kl 16: Andre forestilling i teltet
aktivitetar og servering av mat
Her er det organisasjonen «Velkommen hjem» skriv om seg sjølve:
Me vil presentera Jesus for familiar, som sjeldan eller aldri høyrer om han i kvardagen, på en trygg, enkel og kreativ måte.
Me vil utfordra desse familiane til å invitera Jesus til sine heimar, og modellera på ein enkel og konkret måte korleis det kan sjå ut i kvardagen. Difor har me kalla aksjonen «Velkommen hjem».
Me vil setja familiar, som ønsker det, i kontakt med lokale kristne som kan hjelpa dei vidare.
Tru på heimebane har lenge vore eit viktig tema internt i dei ulike kyrkjesamfunna. Målet er å oppmuntra og utrusta foreldre, besteforeldre og andre vaksne kristne, som har barn og unge i livet sitt, til å dela tru i kvardagen og til å vegleia sine eigne barn og unge til ein nær relasjon med Jesus. Den lokale kyrkjelyden er heimen sin beste partnar for å nå dette målet.
Men kva med familiar i Noreg som ikkje er aktive i ein lokal kyrkjelyd eller som ikkje tenkjer at ein relasjon til Jesus er aktuelt eller som ikkje tenker på Jesus i det hele tatt?
Visjonen til «Velkommen hjem» vart fødd på bakgrunn av dette spørsmålet. Me ønskte å skapa eit fint og avslappa møtepunkt mellom lokale kristne i bygder og byar i Noreg og familiar som ikkje tenkjer så mykje på Jesus.
Me ønskte å skapa ei spanande oppleving der Jesus blir presentert via bibelhistorieforteljing med en klar appell om å invitera Jesus med seg heim. Me kunne i tillegg tenkja oss å modellera korleis det reint praktisk kan sjå ut dersom Jesus får bu heime hjå oss - og det på ein kreativ og inspirerande måte.
«Velkommen hjem» lagar me saman. Det er mykje praktisk som må på plass for å få dette til. Mellom anna skal det riggast eit stort telt, og me treng nokon som kan vere til stades som trygge vaksne på ulike tidspunkt i løpet av veka. Høyrest dette ut som noko du har lyst til å bidra med? Ta kontakt med Vetle Leksbø, tlf.: 94793477 eller e-post: vl555@kyrkja.no.
Ver gjerne med å be for arrangementet og alle førebuingane.
